Muaji qershor ka prodhuar më shumë lajme me tematikë sociale në mediat audiovizive. Sipas të dhënave të përllogaritura nga ekipet e monitorimit dhe analizës në Autoritetin e Mediave Audiovizive, temat sociale zënë 18.97% të totalit të lajmeve të transmetuara. Ato ndiqen nga lajmet politike me 16.34% dhe lajmet ndërkombëtare me 9.96%.
Si çdo muaj, të dhënat mbi temat e lajmeve të trajtuara në edicionet informative të radiove dhe televizioneve kombëtare, si edhe tregues të tjerë të detajuar mbi përmbajtjet e transmetuara, publikohen në faqen zyrtare të Autoritetit të Mediave Audiovizive.
